|  

पैसा र पावर हुनेलाई ज्यान मार्न छुट…

२ श्रावण २०७७, शुक्रबार ०४:५१ प्रकाशित
सवारी खबर संवादाता

यो न्युज सवारी खबरद्वारा प्रकाशित गरिएको हो |


लकडाउनको कारण अदालत पूरै खुलिनसकेता पनि मौकामा चौका हान्दै एक धनाढ्यले कर्तव्यज्यान मुध्दामा सफाइ पाएर हिजो बिहिवार दिउँसो डिल्लीबजार कारागारबाट मुक्त भएका छन् !

२१ वर्षका पृथ्वीबहादुर मल्लले हाँकेको बा.१४ च ६१२३ नम्बरको कारले किचेर गत मंसिर २८ गते बिहान झिसमिसेमा बुढानीलकण्ठ नजिकै ३८ वर्षकी लीला देवकोटाको निधन भएको थियो । देवकोटा मन्दिर दर्शन गरेर घर फर्कंदै थिइन् ।

परिवार, प्रहरी र सरकारी वकिललाई ५४ लाख दिएर उक्त प्रकरण उतिबेलै राफसाफ पार्न लागिएको चर्चा थियो ! छ महिनाअघि प्रहरीले दायर गरेको सवारी ज्यानसम्बन्धी यही मुद्दामा हिजो जिल्ला अदालत काठमाडौंले मल्ललाई सफाई दिएको छ । प्रहरीले घटनास्थलको प्रकृति र सिसीटीभीफुटेजको आधारमा कारले ठक्कर दिएपछि ढलेकी महिलालाई गाडी ब्याक गरेर मारेको अभियोगअन्तर्गत मल्लमाथि ज्यान मुद्दा दावी गरे पनि अदालतले सारा तथ्य प्रमाणप्रति आँखा चिम्लिएको हो ।

मल्ल अमेरिकाबाट बिदामा नेपाल आएको केही दिनमै भएको  उक्त घटनाको बखत कारभित्र उनका साथी २० वर्षका करिश मास्के र अन्य दुईजना केटी पनि थिए । प्रहरीको मुचुल्कामा चालकले मादकपदार्थ सेवन गरेको पाइएको थियो । अघिल्लो रात शिवपुरीस्थित एउटा रिसोर्टमा ‘नाइट हल्ट’ गरेर बिहानीपख फर्कने क्रममा उक्त घटना भएको हो ।   कारमा रहेका दुईजना युवतीमध्ये एउटी मोडल परमिता राज्यलक्ष्मी राणा थिइन् । जसले घटनाको झण्डै एक महिनापछि वास्तविकता उदाङ्गो पार्दै लामो स्टाटस लेखिन् । जसमा उनले कारमा रहेका चारजनाको कारण एउटी निर्दोष महिलाको ज्यान गएकोमा आफू दुःखित भएको आजको जनआस्थाले लेख प्रकाशित गरेको छ !!!

२ श्रावण २०७७, शुक्रबार ०४:५१  मा प्रकाशित

Write your Comment

Top Brands